日本景點好多都虛有其表?網民嘲大阪城是石屎、個個溫泉自稱名泉

有網民於LIHKG討論區內以「日本最令人失望景點」為題,指日本景點十個裡面總有三四個係虛有其表,影相濾鏡貌似好吸引,實際上去到就「啲!咔嚓。拜拜」,打卡後即走,毫無吸引之處。

日本景點好多都虛有其表?網民嘲大阪城是石屎、個個溫泉自稱名泉

樓主在內文列出3大例子,例如話:「大阪城公園影到座城池好宏偉,但上到去原來只係石屎建築」、「金鱗湖去到,原來只係一個池」、「天橋立,忍野八海,揸車山場水遠去到,原來不外如是」。

「大阪城公園影到座城池好宏偉,但上到去原來只係石屎建築」(圖片來源:Instagram@johnnycyc)

「大阪城公園影到座城池好宏偉,但上到去原來只係石屎建築」(圖片來源:Instagram@johnnycyc)

他又指日本經常使用「百選,三大,嚴選」等字眼作為噱頭:「度度溫泉都話自己係三大名泉」,更引用香港地方作為例子,笑言就如同指香港動植物公園、摩士公園、屯門公園是香港三大公園,再用海報包裝嚟「水X啲遊客去」的狀況,引起熱議。

摩士公園有潛質成為熱門旅遊景點,大家認同嗎?(圖片來源:康樂及文化事務署)

摩士公園有潛質成為熱門旅遊景點,大家認同嗎?(圖片來源:康樂及文化事務署)

有網民回應表示好同意,話:「真心日本好多景點都吹大咗,好多都圖片與實物不符,Filter(濾鏡)得太勁」,又指「日本嗰啲所謂三大夜景,同香港比全部都不外如是」,只屬「嘉頓山夜景級數」。

「日本嗰啲所謂三大夜景,同香港比全部都不外如是」(圖片來源:Unsplash@graham_powell_wood)

「日本嗰啲所謂三大夜景,同香港比全部都不外如是」(圖片來源:Unsplash@graham_powell_wood)

有網民則持反對意見,話最緊要在合適時間去:「金鄰湖要係有紅葉嘅時間去先靚,如果唔係就好普通」。亦有網民回應樓主嘲大阪城是石屎的講法,指要視乎心態,才能欣賞到景點的內涵:「大阪城當博物館咁行啫,邊有石屎建築咁渣」。

(圖片來源:JNTO.CN)

(圖片來源:JNTO.CN)

有網民受到「香港三大公園」的啟發,更紛紛列舉有潛質被包裝成為旅遊熱點的香港景點,例如深水埗可形容為下町風情,葵涌廣場則是平民美食激戰區,流水響是港版輕井澤,太平山、獅子山、飛鵝山理應並列為香港三大名山,城門河則是香港名川,而港島電車、屯門輕鐵,則是香港兩大路面電車,加個形容詞即刻吸引程度爆燈!

原文網址: 日本景點好多都虛有其表?網民嘲大阪城是石屎、個個溫泉自稱名泉 | 香港01 https://www.hk01.com/article/832372?utm_source=01articlecopy&utm_medium=referral

喜歡我們的文章嗎?按個讚吧!

關 閉 視 窗