17個月大皓勤(Dickan)先天患上膽管閉塞，在2個月大時進行手術不成功，急需要進行肝臟移植。皓勤爸爸馬先生回覆記者查詢時表示指皓勤細菌感染持續發燒，昨日因為想睡卻睡不了，好辛苦，情況不樂觀。
（相片由受訪者提供）
皓勤爸爸說:「現在情況好急，呢排差得好緊要，Dickan(皓勤)個人開始好弱、成日瞓，扭計、冇乜精神，比起上個月差好遠。佢而家細菌感染到，成日發燒。呢個星期，佢都好忟憎，扭計，昨日好辛苦，想瞓又瞓唔到。」
由於皓勤一直在兒童深切治療部留醫，原先只允許兩日探望一次，Dickan爸爸只現時醫生允許一日探望一次，「姑娘話佢扭一陣又瞓幾個，上星期我哋兩星先可睇一次，但呢幾日開始可以日日去睇，可能因為有啲急。」
Dickan爸爸指由於替兒童找合適的肝臟移植配對較成人難，正常到咗呢個時候好難等到，因為要適合小朋友嘅肝好難，唔同大人，醫生話個肝要好靚先可以畀小朋友，差小小都唔可以，醫生都問我有冇辦法，我只可以搵傳媒。」
Dickan 血型為O型，年滿18歲、沒有長期病患和沒有不良嗜好者，歡迎聯絡瑪麗醫院肝臟移植科電話：2255 3838，幫助小Dickan延續生命。