聖誕節少不免享用聖誕大餐。有港媽在網上發文指，兒子雖然「人仔細細」，但希望可以親手烹調聖誕大餐予母親品嚐。她直言對此感到感動，但亦擔心會帶來危險。
該名港媽在香港討論區以「阿仔話要煮聖誕大餐畀我食」為題發文，提到在聖誕節前夕，兒子雖然「人仔細細」，但希望可以親手烹調聖誕大餐予母親品嚐。她指，兒子平日喜歡在她煮飯時幫助她，亦喜歡觀看烹飪的影片，「但我冇諗到佢竟然想親手煮聖誕大餐畀我食。」她續指，自己不會允許兒子烹調聖誕大餐，「咁細個畀佢煮飯都唔知食唔食得落口，仲要怕佢燒咗我個廚房，好危險㗎嘛！但係阿仔有呢個心意都好感動。」她又指，「我怕自己擔心得太多，搞到阿仔遲下唔識煮野食又唔好啦」，因此發文詢問其他家長會在何時允許孩子自己下廚。她又指，自己對於他有這樣的想法感到開心，但指「我望住佢拎住把刀，我就怕啦」。
不少網民亦認為讓孩子自己下廚沒有問題，並指「睇住佢煮就冇問題啦」、「我媽喺我7歲果時教我用飯煲煮飯、教我打蛋、落油炒蛋，簡單整咗個炒蛋加白飯，睇住佢整就可以」、「你仔仔幾歲？睇住佢煮就冇問題喇」、「如果係純電，尤其電磁爐，6歲都得」、「睇住就得啦。如果佢有廚房嘅基本concept，知道咩位危險，問題不大，最多係唔好食」、「個仔咁有心，咪畀佢煮囉。樓主可以從旁觀察，咪可以減少意外」等。有人則認為，「就算要大人煮一餐都麻煩啦。過時過節，除非平時有煮開飯，如果唔係都係叫外賣就算啦，細路仔咪畀佢是但入廚房睇住佢玩吓囉，但係正餐就唔好搞啦」」另有人則指，「一點孝心開心啊」、「驚喜嘅意外好啊！」、「聽到都開心」等。